دى ركبتى
ركبتى المصابه :(
وده عضم رجلى
مش عارف ليه هو صغير كده بس بيتهيالى عشان الكاميرا اصلا بايظه
وصورة الأوشاعه اللى عملتها غامقه اصلا ومش باين منها حاجه
بس الحمد لله قدرت افهم الاصابه فين من الدكتور
الاصابه موجوده فى منتصف الركبه
بالتحديد قطع من الدرجه التالته فى الرباط الداخلى للركبه
" Cut in the internal knee ligament "
اللى هو مسؤول عن ثبات الركبه اصلا والمشى
يعنى الحمد لله على كل شئ انا حاليا مش بـ أمشى
والسبب فى انى مش بـ أمشى واللى هو سبحان الله يعنى
نفسى السبب فى الاصابه
مجهول حتى الان
ماشى فى امان الله
اذ فجأتن لقيت نفسى واقع على الارض ومش عارف احرك رجلى
لوحدى كده من غير حوادث ولا عربيات ولا يحزنون
ويكأننى فقدت التوازن للحظه وقعت
ولما وقعت وقعت غلط
ومن هنا حدثت الاصابه
وده تحليلى للموقف من خلال ذاكرتى للى حصل
بس مش متاكد من كده
بس الحمد لله على كل شئ
هو اللى مستغربله الركبه اللى لبسوهالى فى المستشفى
" مش الركبه اللى هى عباره عن رباط ضاغط دى لا دى ركبه معدن عباره عن مفصل معدن بدل الركبه الطبيعيه يعنى "
" مش الركبه اللى هى عباره عن رباط ضاغط دى لا دى ركبه معدن عباره عن مفصل معدن بدل الركبه الطبيعيه يعنى "
حاجه كده تقيله ومش مخليانى اعرف انام كويس
هى اينعم بتخلينى اعرف اتنى رجلى وافردها بس مش عارف انام
وانا عايز انام :@
ربنا يستر بقى ومايبقاش فيها عمليه " تانى "
علشان انا زهقت من العمليات والدكتور اصلا قلقنى من الموضوع ده
دعواتكم ربنا يسترها واقوم تانى :((
